PKM Banggai tinutup Soisobit : Dano ko Kana Corona?

Kolubongi, lue doi WA usok ko teteba Grup. Dea teteba do ko uloiyono na bantile,Puskesmas Banggai tinutup Soisobit,kosabapo dam pai ba “tracing” doi mean meng,ko inugaton kana virus corona. Bae doi tetaba do,aki na binantil ilee,katidon budoomo kona prosedur,akina moola ko mian kana na binantil kosambuno.
Nia bilita nia soisobitono na tinoi mian badang.
Bilita nia na bantile,mulai oloyo nia(Kamis,3 Desember 2020) ko puskesmas Banggai kion na batarima mian baparesa. Yanila dam pai baompolii, ilee-leemo dea mian do na pernah mo lalaat atau pobaba. Pelayanan nia na binuka sampe pitu ko kasada.
Nia bai monondok,supaya kota lipu nia na moo-mola aman. Ko mian matakuto nia. Jadi,ile leemo ko masakit,katidon mola na taus doi Rumah Sakit atau taus doi dokter. Nia bai jadi urusan soisik. Mudah-mudahan nia kasus nia na mosobit tinangani,supaya ko mian badang aki na matakut pai lubat doi Puskesmas.
Kinatauan Petugas Kesehatan tukon na Pimpinan instansi,momoola na mangala respon mosobit tuk ba antisipasi kasus nia,sulano na aki ko oi oila doi salanggita mai maina.
(Rahmat Lasibani)